Поранешен телохранител на Мајкл Џексон откри детали за настанокот на фотографија која го поврзува поп-иконата со озлогласениот финансиер Џефри Епстин, наведувајќи дека контекстот околу неа е погрешно претставен.
Тој појаснил дека во периодот кога фотографијата наводно настанала, бил дел од обезбедувањето на Џексон и дека станувало збор за обиколка на куќи во Палм Бич, организирана од агент за недвижности. Според неговите зборови, целта на посетата била разгледување на имоти, а не поврзување со Епстин или неговите финансиски кругови.
Во јавноста истовремено се појавиле и други контроверзни фотографии и тврдења поврзани со Џексон, Епстин и повеќе познати личности, што дополнително ја разгоре дебатата на социјалните мрежи. Дел од содржините биле оспорени како манипулирани или погрешно интерпретирани, вклучително и една фотографија која подоцна се покажала како фалсификат.
Контроверзиите се засилиле и по документарецот „Leaving Neverland“, кој повторно ги актуализираше обвинувањата против Џексон и предизвика силни реакции меѓу неговите поддржувачи. Според авторот на документарецот, дел од реакциите на интернет вклучувале и организирани кампањи со лажни профили и закани.
Иако името на Мајкл Џексон се појавува во одредени документи поврзани со Епстин и во неговиот адресар, досега не постојат обвиненија против него поврзани со случајот Епстин.
