Поранешен холандски министер користел пауербанк во авион, па избувнал пожар

Пауербанк што му припаѓала на поранешниот холандски министер за сообраќај и поранешен директор на KLM, Камиел Ерлингс, се запалила за време на лет од Амстердам кон Курасао.

Иако преносливите батерии се дозволени во авионите на KLM, нивната употреба за полнење уреди за време на летот е забранета. Според холандскиот телевизиски канал RTL Nieuws, Ерлингс го користел својот пренослив полнач, со што ги прекршил правилата на авиокомпанијата.

— реклама —

При инцидентот, поранешниот министер се здобил со полесни повреди.

Патник кој седел во негова близина изјавил дека одеднаш се слушнал силен звук, по што избувнал пожар.

— реклама —

„Одеднаш се слушна силен звук. Веднаш потоа избувна пожар. Големи пламени јазици се појавија над седиштето“, раскажал патникот, додавајќи дека кабинскиот персонал реагирал многу брзо.

— реклама —

Поради инцидентот, капетанот на авионот одлучил да го прекине летот над Атлантскиот Океан и да се врати назад во Амстердам. Авионот безбедно слетал на аеродромот Схипхол.

Сите 322 патници биле сместени во хотел на трошок на KLM.

Камиел Ерлингс беше министер за сообраќај, јавни работи и водостопанство на Холандија од 2007 до 2010 година. Во 2011 година се приклучил на управниот одбор на Air France-KLM, а од компанијата заминал во 2014 година.

Случајот повторно го привлече вниманието кон правилата за користење на литиумските батерии и преносните полначи во авионите.