Пороен дожд утрово во Скопје, најавени обилни врнежи и силен јужен ветер низ државата

Утринава делови од Скопје беа зафатени од поројни дождови, по што продолжува периодот на нестабилно и влажно време што ќе ја погоди целата држава во текот на денот и ноќта. Во Скопје ќе биде облачно со повремени поинтензивни врнежи, а низ котлината ќе дува умерен, на моменти и засилен јужен ветер.

— реклама —

Според најавите на метеоролозите, на повеќе локации ширум земјата врнежите ќе бидат пообилни и во едно деноноќие може да надминат 30 литри на квадратен метар. Можно е и формирање на краткотрајно невреме проследено со засилен јужен ветер, кој локално ќе достигнува над 60 km/h, како и повремена појава на грмежи.

— реклама —

— реклама —

Температурите ќе варираат во широк опсег: минималните ќе се спуштаат до околу 6 степени, а максималните во појужните и пониските региони ќе достигнуваат и до 18 степени Целзиусови.

— реклама —

Метеоролозите апелираат на внимателност, особено во сообраќајот, поради можни локални поројни врнежи, засилен ветер и привремено отежнати услови на патиштата.