Посебен режим на сообраќај во недела во Скопје

Во недела, 17 мај, во Скопје ќе се одржи 14. издание на спортско-рекреативниот настан „Прв до врв“, поради што ќе биде воведен посебен режим на сообраќај, информираат од Министерството за внатрешни работи.

— реклама —

Во рамки на настанот, велосипедската трка ќе стартува во 9:45 часот пред Музејот на град Скопје, а учесниците ќе се движат по улиците „Св. Кирил и Методиј“, булеварите „Св. Климент Охридски“ и „Мајка Тереза“, потоа по улицата „Тодор Александров“ кон Средно Водно и Милениумскиот крст.

— реклама —

Планинарската тура ќе започне во 10 часот пред ООУ „Кочо Рацин“, по што учесниците ќе се движат кон Водно по планинска патека.

— реклама —

Од СВР Скопје најавуваат дека сообраќајот на дел од трасата ќе биде пренасочуван по околните улици.

Од МВР апелираат граѓаните да ги почитуваат насоките на полициските службеници со цел безбедно одвивање на настанот.