Поскапото гориво ги менува плановите на „Виз ер“: Капацитетот ќе се намали за 5 отсто

Зголемените трошоци за гориво го менуваат планирањето на авиокомпаниите, а меѓу превозниците што најавуваат приспособување е и нискобуџетниот „Виз ер“. Компанијата планира да го намали капацитетот за околу пет отсто во втората половина од финансиската година.

— реклама —

Од „Виз ер“ посочуваат дека високите цени на горивото создаваат значителен притисок врз авиосекторот и ги принудуваат авиопревозниците да ги преиспитуваат плановите и бројот на летови.

— реклама —

И покрај намалувањето на планираниот капацитет, од компанијата велат дека летната сезона била подобра од очекувањата. Воедно, нагласуваат дека остануваат посветени на долгорочните планови за проширување на флотата и зголемување на бројот на превезени патници.

— реклама —

Засега не е соопштено кои конкретни авиолинии би можеле да бидат опфатени со најавеното намалување.

„Виз ер“ е меѓу најголемите авиопревозници присутни на македонскиот пазар и оперира со повеќе линии од скопскиот аеродром.