Закана за бомба во авион на „Виз ер“: Летот од Лондон кон Софија пренасочен во Будимпешта

Патнички авион на „Виз ер“, кој сообраќал на линијата од Лондон до Софија, бил пренасочен кон Будимпешта по закана за бомба добиена за време на летот. Унгарски борбен авион „Грипен“ го придружувал леталото до безбедното слетување во Унгарија.

— реклама —

Унгарскиот министер за одбрана Ромулус Русин-Сенди потврди дека по добиената закана била активирана итна процедура за воздушна одбрана на НАТО. Била издадена наредба за итно полетување, по што унгарскиот „Грипен“ за неколку минути се кренал во воздух и го придружувал патничкиот авион до меѓународниот аеродром „Лист Ференц“ во Будимпешта.

— реклама —

— реклама —

Од „Виз ер“ потврдија дека летот од лондонскиот аеродром Лутон кон Софија бил пренасочен поради заканата за бомба. Авионот безбедно слетал, а потоа бил преместен на посебно определена локација за надлежните служби да ги спроведат безбедносните проверки на леталото и патниците.

— реклама —

Од компанијата соопштија дека целосно соработуваат со надлежните органи и нагласија дека безбедноста на патниците и екипажот останува нивен највисок приоритет.