Поскапуваат бензините, дизелот поевтинува – нови цени на горивата од полноќ

Регулаторната комисија за енергетика донесе одлука за промена на цените на нафтените деривати, со која во просек тие се зголемуваат за 0,40 проценти во однос на претходната одлука.

— реклама —

Согласно новата пресметка, од 28 април 2026 година од 00:01 часот, цените на горивата ќе изнесуваат: бензинот ЕУРОСУПЕР БС-95 ќе се продава за 82,50 денари за литар, додека ЕУРОСУПЕР БС-98 ќе чини 84,50 денари за литар.

— реклама —

Цената на дизел горивото ЕУРОДИЗЕЛ БС (Д-Е V) ќе изнесува 91,50 денари за литар, а екстра лесното масло за домаќинство (ЕЛ-1) ќе се продава за 96,00 денари за литар. Мазутот М-1 НС ќе чини 46,656 денари за килограм.

Со најновата одлука, бензините поскапуваат за 2 денари по литар, додека дизелот поевтинува за 2,5 денари по литар. Намалување од 1 денар по литар има и кај екстра лесното масло, додека мазутот бележи благо зголемување.

— реклама —

Од Регулаторната комисија појаснуваат дека промените се резултат на движењата на референтните цени на светските пазари, каде бензините бележат раст, додека кај дизелот и дел од другите деривати има намалување. Дополнително, минимално влијание има и курсот на денарот во однос на американскиот долар.

— реклама —

Надлежните потсетуваат дека станува збор за максимални цени, а трговците имаат можност да ги формираат и пониско од утврденото ниво.