Стево Пендаровски, испрати остро предупредување до раководството на СДСМ, нагласувајќи дека партијата се наоѓа на критична крстосница и дека без суштински промени може да се соочи со понатамошен пад и политичка маргинализација.
„Владејачката коалиција предводена од ВМРО-ДПМНЕ го изгуби мнозинството од луѓето кои гласаат во Македонија. СДСМ не успеа да го канализира тоа. Тоа е објективно опозиционо расположение и да ги донесе тие луѓе на свое конто. Кога не успевате тоа да го направите, рецептите во светот се јасни, или ја менувате политичката стратегија и пристапот кон граѓаните, или носите нови луѓе кои ќе знаат да допрат до различни слоеви од гласачкото тело“, вели Пендаровски.
Тој додава дека постои опасност со овој последен пад во изборната поддршка, на следните избори СДСМ да не биде подобар и да отиде полека во исчезнување.
„Постои реална опасност партијата да оди кон исчезнување или да влезе во статистичка маргина на грешка“, вели тој.
