Потона рибарски брод во Јужна Кореја, двајца загинати, 12 исчезнати

Две лица загинаа, а 12 се уште се водат како исчезнати откако рибарски брод потона рано утринава во водите кај јужнокорејскиот остров Џеџу, изјави претставник на градската управа Џеџу.

— реклама —

Властите изгубија трага на бродот од јужнокорејскиот пристанишен град Бусан во раните утрински часови, рече официјалниот претставник. Бродот превезувал 27 лица, а меѓу спасените има и странски државјани, рече тој, додавајќи дека двајца јужнокорејски државјани загинале.

— реклама —

— реклама —

Крајбрежната стража на Јужна Кореја добила повик за помош во 4:33 часот по локално време, лоцирана на 24 километри од брегот на Џеџу, објави новинската агенција Јонхап.

— реклама —

Претседателот на државата Јун Сук Јеол нареди распоредување на сите расположливи ресурси за операцијата за пребарување и спасување, соопшти неговиот кабинет.