„Повеќе од една милијарда е инвестирано во автопатот Кичево-Охрид, очекувам да биде завршен најдоцна до првиот квартал 2027 година“ , вели Мицкоски

Премиерот Христијан Мицкоски изјави дека повеќе од една милијарда евра се инвестирани во изградбата на автопатот Кичево-Охрид и изрази очекување делницата да биде завршена најдоцна до првиот квартал од 2027 година.

— реклама —

Одговарајќи на новинарско прашање за патното поврзување на Кичево, Мицкоски посочи дека неодамна заедно со новинарски екипи ги посетиле градежните активности на делниците Гостивар-Букојчани и Кичево-Охрид.

— реклама —

„Повеќе од една милијарда се инвестира во оваа патна делница и очекувам делницата Кичево-Охрид да биде завршена најдоцна во првиот квартал од следната година“, рече Мицкоски.

Тој оцени дека проектот во минатото бил „заборавен и уништен“, додавајќи дека се разгледува можноста за утврдување одговорност за состојбата во која бил оставен.

— реклама —

Во однос на делницата Гостивар-Букојчани, премиерот рече дека реализацијата е во напредна фаза и дека веќе е пробиена половина од трасата долга околу 30 километри.

— реклама —

Мицкоски додаде дека имотно-правните односи за овој дел од автопатот се целосно завршени, што, според него, му овозможува на изведувачот непречено да продолжи со работата.