СВР Велес поднесе известување против 19-годишниот Б.А. од Кавадарци поради сомнение за неовластено производство и пуштање во промет на наркотични дроги, психотропни супстанци и прекурзори.
Според полицијата, на 17 декември минатата година кај Спомен костурницата во Неготино, пријавениот оставил марихуана и амфетамин под клупа, по што дрогата била пронајдена и одземена.
Во друг случај, вчера попладне пред Казнено-поправна установа Затвор Идризово била лишена од слобода 25-годишната В.А. од скопско, откако при преглед на пакет што го носела за осудено лице биле пронајдени бела прашкаста материја и марихуана.
Исто така, полициски службеници од СВР Велес привеле три лица по претходна пријава дека користеле дрога во угостителски објект во Велес. Станува збор за С.Ч. (34), С.Т. (53) од Велес и С.Џ.Х. (55) од село во општина Чашка.
Од полицијата информираат дека лицата биле затекнати пред објектот, при што С.Ч. се однесувала агресивно кон полициските службеници, а на масата каде што седеле биле пронајдени остатоци од бела прашкаста материја.
За сите случаи е известен јавен обвинител и по целосното документирање ќе следуваат соодветни пријави.
