Повеќето Американци против новите царини за Канада и преименувањето на езерото Онтарио

Повеќето граѓани на САД не ги поддржуваат новите царини за канадската стока што ги воведе претседателот Доналд Трамп, ниту неговата одлука езерото Онтарио во официјалната американска употреба да биде преименувано во Езеро Америка, покажува истражување на „Ројтерс“ и „Ипсос“.

Според анкетата, 57 отсто од испитаниците се против зголемените царини за стоката од Канада, додека ги поддржуваат само 20 отсто. Околу 21 отсто не се изјасниле, а приближно една петтина од анкетираните воопшто не биле запознаени со одлуката.

— реклама —

Трамп минатата недела дополнително ги влоши односите со Канада, откако пропаднаа трговските преговори меѓу двете земји. Зголемувањето на царините е дел од поширокиот трговски спор меѓу Вашингтон и Отава.

— реклама —

Во исто време, нова реакција предизвика и одлуката езерото Онтарио во американските федерални документи и други официјални употреби во САД да се нарекува Езеро Америка. Промената не ја обврзува Канада, меѓународните организации или институциите надвор од американската федерална администрација.

Истражувањето покажува дека 63 отсто од Американците се против преименувањето, додека само 14 отсто го поддржуваат. Останатите не биле сигурни или не одговориле.

— реклама —

Ова не е првпат Трамп да предлага промена на географски имиња. Во јануари 2025 година нареди Мексиканскиот Залив во американските федерални документи да се нарекува Американски Залив.

Трамп во повеќе наврати изјавуваше и дека Канада треба да стане 51. сојузна држава на САД, што дополнително ги заостри односите меѓу двете соседни земји.

Анкетата е спроведена преку интернет, на репрезентативен примерок од 1.023 полнолетни Американци, со маргина на грешка од четири процентни поени.