Пожар избувнал вчера попладне во продажен објект на улицата „Индустриска“ во Гевгелија, информираат од Министерството за внатрешни работи.
Случајот бил пријавен во ОВР Гевгелија околу 14:30 часот, по што на терен интервенирала екипа на Територијалната противпожарна единица Гевгелија, која го изгаснала пожарот.
При интервенцијата, еден пожарникар вдишал чад и бил пренесен во Медицинскиот центар во Гевгелија, каде што му била укажана лекарска помош.
На местото бил извршен увид, а се утврдуваат причините за избувнувањето на пожарот.
