Повторно отворени аеродромите во Техеран, најавени нови летови низ Иран

Иран постепено го нормализира воздушниот сообраќај и повторно отвора дел од својот воздушен простор по неодамнешните ограничувања, јавуваат меѓународни агенции.

— реклама —

— реклама —

Според планот за враќање во нормален режим, кој започнал на 18 април, во првата фаза се повторно отворени делови од авиосообраќајот во главниот град Техеран, додека од понеделник се дозволени летови од меѓународните аеродроми „Имам Хомеини“ и „Мехрабад“. Од сабота се најавува и продолжување на линиите меѓу Техеран и градот Машхад на североистокот од земјата.

— реклама —

Иранската организација за цивилно воздухопловство потврди дека постепено се укинуваат ограничувањата и дека од сабота ќе бидат активни патнички летови од уште десет аеродроми низ државата. Во соопштението се наведува дека процесот се спроведува фазно, со цел целосно нормализирање на воздушниот сообраќај.