Пожар беснее во централниот дел на Крф, хеликоптери се борат со огнената стихија

Во централниот дел на грчкиот остров Крф избувна шумски пожар, поради што локалната противпожарна служба прогласи тревога. Огнот зафатил подрачја во близина на Јанадес и Ливади Ропи, јавуваат грчките медиуми.

— реклама —

На терен веднаш биле распоредени силни противпожарни екипи, кои со помош на копнени и воздушни сили се обидуваат да го стават пожарот под контрола пред да се прошири.

— реклама —

Во акцијата учествуваат 18 пожарникари, припадници на 15-та специјализирана противпожарна единица, доброволци, четири противпожарни возила и два хеликоптери кои постојано исфрлаат вода врз жариштата.

— реклама —

Гаснењето дополнително го отежнуваат честите промени на правецот на ветерот, предизвикани од високите температури и силните термички струења во областа.

— реклама —

Во исто време, исклучително ниската влажност на воздухот создава поволни услови за понатамошно ширење на пожарот. Засега нема информации за загрозени населени места или повредени лица.