Пожар кај фабрика во Морани: Изгореа сува трева, овошни дрвја и пет декари жито

Пожар избувнал во близина на фабрика во скопското село Морани, при што биле зафатени сува трева, овошни дрвја и житни посеви, информираат од Министерството за внатрешни работи.

— реклама —

Според пријавата, на 14 јуни околу 15:40 часот во СВР Скопје било пријавено дека во близина на фабрика во селото избувнал пожар.

— реклама —

Во огнената стихија изгореле околу седум декари сува трева, сопственост на фабриката, како и родни дрвја. Дополнително, пожарот зафатил и пет декари жито во сопственост на друго лице.

— реклама —

На терен интервенирала екипа на Бригадата за противпожарна заштита на Град Скопје, која успеала целосно да го локализира и изгасне пожарот.

— реклама —

Во инцидентот нема повредени лица, а увид на местото на настанот извршила екипа од СВР Скопје, која работи на утврдување на причините за избувнувањето на пожарот.