Пожар уништи два хектара пченица кај Новаци

Два хектара нива засеана со пченица изгореле во пожар што избувнал во атарот на општина Новаци, информира СВР Битола.

— реклама —

Според полицијата, на 7 јули околу 15:00 часот, во СВР Битола било пријавено дека на месноста „Трансформатор“, во атарот на село Новаци, биле опожарени два хектара земјоделска површина со пченица, сопственост на А.П. (53) од селото Горно Агларци.

— реклама —

— реклама —

Пожарот бил локализиран од Територијалната противпожарна единица Битола, а во инцидентот нема повредени лица.

— реклама —

Увид на местото извршила увидна екипа на СВР Битола, која ги утврдува причините за избувнувањето на пожарот.