Пожар уништи редок „ламборгини“ во Хрватска, оштетени и седум станови

Тројца мажи се приведени под сомнение дека се поврзани со подметнувањето пожар во Велика Горица, Хрватска, во кој целосно изгоре луксузен автомобил „ламборгини“, а огнот се прошири и оштети уште четири возила и седум станови.

Хрватската полиција соопшти дека против нив се води истрага за кривично дело загрозување на животот и имотот со општоопасно дејствие или средство.

— реклама —

Огнот се проширил на уште четири автомобили, меѓу кои и уште едно „ламборгини“, како и на седум станови во блиската зграда.

Полицијата соопшти дека криминалистичката истрага е во тек.

— реклама —

Пожарникарите интервенирале по пријава за отворен пламен примена во 2:55 часот. Според првичните информации, горел контејнер покрај станбена зграда, а пожарот потоа се проширил на паркираните возила и фасадата на објектот.

Командантот на Јавната противпожарна единица на Велика Горица, Ивица Мацековиќ, изјавил дека на терен биле испратени две возила и девет пожарникари.

„Имаше голема количина чад бидејќи гореше пластика. Едно возило целосно изгоре, а уште три беа оштетени“, изјавил Мацековиќ.

— реклама —

Во пожарот целосно бил уништен редок модел Lamborghini Revuelto, кој според хрватските медиуми бил единствениот регистриран примерок од тој модел во Хрватска.

Станува збор за plug-in хибриден суперавтомобил со V12 мотор и три електромотори, со вкупна моќност од 1.015 коњски сили. Автомобилот достигнува 100 километри на час за 2,5 секунди, а максималната брзина му е поголема од 350 километри на час.

— реклама —

Цената на нов модел се движи од околу 500.000 евра, а може да биде и значително повисока во зависност од опремата.

Во пожарот нема повредени лица.