Пожар избувна во Паркот на природата „Стара Планина“ во Србија, а надлежните служби веднаш започнаа со негово гаснење, соопшти Министерството за заштита на животната средина.
Од раните утрински часови на терен се припадници на противпожарно-спасувачките единици и вработени во „Србијашуме“, кои успеале да го опколат пожарот.
Огнот зафатил ниска вегетација, а сите расположливи екипи остануваат на терен сè додека пожарот не биде целосно ставен под контрола.
Од Министерството наведуваат дека внимателно ја следат состојбата и навремено ќе ја информираат јавноста за развојот на настаните.
