Пожар зафати два автомобили во Марино

Во раните утрински часови денеска избувнал пожар во кој биле зафатени две возила во селото Марино, во општина Илинден.

Како што информираат од Министерството за внатрешни работи, на 26 јуни околу 05:50 часот во СВР Скопје било пријавено дека на излезот од село Марино кон село Кадино настанал пожар на две патнички возила.

— реклама —

Станува збор за возило „фолксваген туарег“ со скопски регистарски ознаки, сопственост на М.Т. (29), и „рено меган“ со скопски регистарски ознаки, сопственост на М.А. (55).

— реклама —

Пожарот бил изгаснат од екипа на Бригадата за противпожарна заштита Скопје, а според информациите, во настанот нема повредени лица.

— реклама —

Полициски службеници од СВР Скопје извршиле увид на местото на настанот.