Пожар зафати камиони и електрична бандера во Битола

Две товарни возила се оштетени во пожар што ноќеска избувнал на плац на улицата „Довлеџик“ во Битола, информира Министерството за внатрешни работи.

— реклама —

Според МВР, случајот бил пријавен на 6 јули околу 03:40 часот. Пожарот избувнал на плац во сопственост на правно лице, при што биле опожарени товарните возила „фиат“ и „ивеко“ со битолски регистарски ознаки, сопственост на Н.С. од Битола.

— реклама —

Од огнот била зафатена и бандера со електрична инсталација.

— реклама —

Пожарот бил изгаснат од екипи на Територијалната противпожарна единица Битола, а во инцидентот нема повредени лица.

— реклама —

Увид на местото извршила увидна екипа на СВР Битола.