Пожар во Слатино зафати објекти, товарно возило и контејнер

Пожар избувнал вчера во селото Слатино, тетовско, при што биле зафатени повеќе објекти и возило. Во пожарот нема повредени лица.

— реклама —

Според информациите од МВР, случајот бил пријавен на 6 октомври во 15:40 часот во Полициското одделение Теарце. Со пожарот биле зафатени објекти во сопственост на приватна фирма на Б.А. (57) од Слатино.

— реклама —

Огнот зафатил и товарно возило, контејнер за камион, како и помошна просторија во која имало градежен материјал и алат, сопственост на А.Ф. (72), исто така од селото.

— реклама —

Пожарот бил целосно изгаснат од екипа на Територијалната противпожарна единица Лешок.

— реклама —

На местото бил извршен увид.