Италијанскиот тенисер Флавио Коболи обезбеди место во осминафиналето на Ролан Гарос, откако во третото коло убедливо го совлада Американецот Лернер Тиен со 3:0 во сетови – 6:2, 6:2, 6:3.
Коболи до победата стигна по еден час и 46 минути игра, прикажувајќи сигурна и доминантна партија против американскиот тенисер.
Во осминафиналето Италијанецот ќе се соочи со Американецот Закари Швајда, кој по голема борба и пресврт го елиминира Аргентинецот Франциско Серундоло со 3:2 во сетови – 6:3, 6:4, 3:6, 4:6, 6:3.
Швајда одлично го отвори мечот и ги доби првите два сета, но Серундоло успеа да се врати во игра и да израмни на 2:2. Сепак, во решавачкиот петти сет, Американецот беше посигурен, направи клучен брејк и ја задржа предноста до крајот за пласман меѓу најдобрите 16 тенисери на турнирот.
Така, Коболи и Швајда ќе се борат за место во четвртфиналето на вториот Грен слем турнир сезонава.
