Правеле зимница, го истуриле пепелот од ќумбето, па избувнал пожар

Викенд-куќа и дел од тревата биле опожарени во пожар што избувнал во скопското село Горно Соње.

— реклама —

Случајот бил пријавен на 6 октомври околу 19:50 часот во СВР Скопје. Полициски службеници излегле на местото и разговарале со 74-годишниот Д.М., сопственик на викенд-куќата.

— реклама —

— реклама —

Според неговото објаснување, тој и неговата сопруга подготвувале зимница, а потоа во близина на куќата го истуриле пепелот од ќумбето. Како што посочил, во пепелот најверојатно имало жар, по што тие го напуштиле местото. Подоцна избувнал пожарот.

— реклама —

Во настанот нема повредени лица. Пожарот го изгаснала екипа на Бригадата за противпожарна заштита Скопје.