Во Полициското одделение Теарце вчера околу 12 часот било пријавено дека избувнал пожар на нива покрај регионалниот пат Тетово–Јажинце, во атарот на селото Теарце.
Според информациите од СВР Тетово, во пожарот била зафатена сува трева, а огнот бил целосно локализиран од екипа на Територијалната противпожарна единица Тетово.
По преземените мерки, полициските службеници утврдиле дека пожарот го предизвикал Г.Ц. (55) од село Теарце.
Лицето е лишено од слобода поради сомнение дека сторило кривично дело „предизвикување општа опасност“ и е задржано во полициска станица. По целосното документирање на случајот, против него ќе биде поднесена соодветна пријава.
