Предупредување за нови напади: Израелската армија повика на евакуација на делови од Техеран

Израелски одбранбени сили упатија предупредување до жителите на Техеран за евакуација, особено во реонот каде се наоѓа седиштето на државната телевизија, што укажува на можност за нови напади во блиска иднина.

— реклама —

Паралелно со тоа, израелската војска издаде предупредувања за евакуација и за неколку локации во Либан, во контекст на проширување на воените активности.

— реклама —

— реклама —

Според соопштението на армијата, пред два часа биле завршени три нови бранови напади, при што биле употребени стотици проектили. Како цели се наведуваат ирански ракетни лансери, системи за противвоздушна одбрана и артилериски единици.

Од израелската страна засега нема дополнителни информации за евентуални жртви или обемот на штетата, но предупредувањето за евакуација се толкува како најава за интензивирање на операциите во наредните часови.