Прекин на водоснабдување во Кисела Вода и Бутел

Од ЈП Водовод и канализација информираат дека денес ќе има прекин во водоснабдувањето во делови од Скопје поради изведување на зафати на водоводната мрежа.

— реклама —

Поради уличен дефект на водоводна цевка со пречник Ф200 мм на улицата „Димитар Чуповски“ бр. 27 (позади гимназијата „Јосип Броз Тито“), без вода ќе останат корисниците од улиците „Димитар Чуповски“ и „Мито Хаџивасилев Јасмин“ во општина Кисела Вода.

— реклама —

Дополнително, поради изведување на водоводен приклучок со пречник Ф250 мм на улицата „Босна и Херцеговина“ (бр. 1-55), прекин во водоснабдувањето ќе имаат корисниците од улицата „Македонска Косовска Бригада“, касарната „Илинден“, трговскиот центар „Поинт“, „Вива Фреш“, ресторанот „Аванти“, како и други индустриски објекти во околината, во општина Бутел.

— реклама —

Водоснабдувањето во двете општини ќе биде прекинато од 08:30 часот и ќе трае до завршување на работните активности.

— реклама —

Надлежните апелираат до граѓаните да обезбедат доволни количини вода за потребите во текот на денот.