Прекин на водоснабдувањето во Чаир и Гази Баба – проверете дали сте на списокот

Од ЈП „Водовод и канализација“ – Скопје информираат дека денеска, 1 октомври, поради дефекти и интервенции на водоводната мрежа, прекинато водоснабдување ќе има во повеќе делови од општините Чаир и Гази Баба.

— реклама —

Поради уличен дефект на водоводна цевка со профил Ф-150 милиметри на улицата „Цветан Димов“, кај Хатунџук џамија, без вода од 09:00 часот ќе останат корисниците на улиците „Фан Ноли“, „Чаирска“, „Јајце“, „Челопек“, „Аврам Писевски“, „Зеф Љуш Марку“, „Бајрам Шабани“ и улица „157“.

— реклама —

Прекинот ќе трае до завршување на санацијата на дефектот.

Во општина Гази Баба, поради изведување приклучок од Ф-150 милиметри на улицата „1657/7“ во населбата Хиподром и стопирање на мрежата од Ф-100 милиметри на улицата „Благоја Стефковски“, кај последната автобуска постојка на линијата 50, прекинато водоснабдување ќе има во делови од Маџари и новата населба Хиподром.

— реклама —

Во Трубарево, пак, се очекува намален притисок на водата.

Прекинот во овој дел од градот започнува од 08:30 часот и ќе трае до завршување на интервенцијата.