Прекинат сообраќајот на патот Струмица – Радовиш по излевање моторно масло на коловозот

Сообраќајот на магистралниот пат А4, на делницата Струмица – Радовиш, денеска од 11:10 часот е во целосен прекин поради излевање моторно масло на коловозот, информираат од АМСМ.

— реклама —

Прекинот е воведен кај месноста Широк Дол, непосредно пред селото Владевци, каде што од товарно возило се излеало моторно масло на патот.

— реклама —

Од АМСМ соопштуваат дека на местото веднаш биле испратени екипи на „Македонија пат“, кои во моментов работат на расчистување и санација на коловозот.

— реклама —

Сообраќајот на оваа делница е во прекин за сите патнички и товарни моторни возила, а возилата се пренасочуваат по стариот регионален пат.

Од надлежните институции апелираат до возачите да бидат внимателни и да ја следат поставената сообраќајна сигнализација.