Поради дефект на водоводната мрежа и планирани зафати на електродистрибутивната мрежа, денеска делови од општините Центар и Карпош ќе останат без вода и електрична енергија.
Од ЈП „Водовод и канализација“ информираат дека поради дефект на огрлица со пречник од 250 милиметри на крстосницата на улиците „Водњанска“ и „Бел Камен“, со прекинато водоснабдување од 11:00 часот ќе бидат корисниците на дел од улиците „Водњанска“, „Бел Камен“ и „Шарски Одред“ во Општина Центар. Водоснабдувањето ќе биде обновено по завршување на интервенцијата.
Според известувањето од ЕВН Македонија, без електрична енергија од 09:00 до 15:00 часот ќе бидат корисниците на улица „Железничка“ со броеви 20, 22, 22-а, 26 и 30, како и на улица „Герман“ со броеви 26 и 30 во Општина Центар.
Во Општина Карпош, без струја од 08:40 до 15:05 часот ќе останат корисниците на улица 1687 во населбата Бардовци.
