„Прелетал“ на автопатот Скопје-Свети Николе: возачите знаат кај се „Сејф сити“, ама не и каде се полицајците со радари

Возач на патничко возило „мерцедес“ со скопски регистарски ознаки денеска е измерен како се движи со брзина од 203 километри на час на автопатот Скопје – Свети Николе, соопшти Министерството за внатрешни работи.

— реклама —

Како што информира МВР, контролата била извршена денеска (7 октомври 2026 година) околу 16 часот, на околу три километри пред НС Преод. Полициски службеници од Мобилната единица за безбедност на сообраќајот на патиштата при Секторот за сообраќајни работи, со помош на уред за мерење брзина „LaserCam 4“, ја измериле брзината на возилото.

— реклама —

На делницата надвор од населено место, максимално дозволената брзина е 130 километри на час, што значи дека возилото се движело 73 километри на час над дозволеното.

Против возачот се преземени соодветни мерки согласно Законот за безбедност на сообраќајот на патиштата.

— реклама —

Од МВР информираат дека сообраќајните контроли продолжуваат на територијата на целата држава, со цел санкционирање на прекршителите, зголемување на безбедноста во сообраќајот и заштита на сите учесници.

Министерството апелира до возачите да ги почитуваат сообраќајните правила и прописи и да ја приспособат брзината кон условите на патот.