Полициски службеници од криминалистичката полиција при СВР Охрид на 17 јуни го лишиле од слобода Д.А. (37) од Охрид, по претрес извршен во неговиот дом по наредба на суд.
Како што соопшти МВР, при претресот биле пронајдени и одземени еден револвер, две пушки, три рачни бомби, 22 куршуми од различен калибар, како и две најлонски ќеси со барут, кои лицето нелегално ги поседувало.
Од Министерството за внатрешни работи информираат дека по целосното документирање на случајот против охриѓанецот ќе биде поднесена кривична пријава по член 396 од Кривичниот законик, кој се однесува на неовластено изработување, држење, посредување и тргување со оружје или распрскувачки материи.
Истрагата за случајот продолжува.
