Обвинителството: Претреси на 32 локации во Скопје, се влегува и во службени простории на МВР

Основното јавно обвинителство Скопје ја потврди денешната акција и соопшти дека се вршат претреси на 32 локации во Скопје, меѓу кои и службени простории во Министерството за внатрешни работи.

Претресите се вршат врз основа на наредби од судија на претходна постапка, обезбедени по барање на јавен обвинител од ОЈО Скопје.

— реклама —

„Врз основа на наредби од судија на претходна постапка, обезбедени по барање на јавен обвинител од Основното јавно обвинителство Скопје, денеска се вршат претреси на 32 локации во Скопје, на лица, домови и службени простории во МВР“, соопшти Обвинителството.

— реклама —

Паралелно со претресите се преземаат и други истражни дејствија за обезбедување докази

„Се преземаат и други дејствија заради обезбедување докази поради сомненија за кривично дело – Фалсификување исправа од член 378 од Кривичниот законик“, велат од ОЈО Скопје

— реклама —

„Скопје1“ претходно неофицијално објави дека МВР спроведува координирана акција поврзана со сомненија за незаконско издавање и фалсификување возачки дозволи за C и D категорија.

— реклама —

Од Обвинителството во оваа фаза официјално не прецизираат дека предметот се однесува на возачки дозволи, туку потврдуваат дека се постапува по сомнение за фалсификување исправа. Не е соопштено ниту дали досега има приведени или осомничени лица.

Акцијата е во тек.