Претреси во демирхисарско: Пронајдени осум пушки, пиштоли и муниција, приведени четири лица

Четири лица од демирхисарското село Обедник се лишени од слобода по полициски претреси во кои биле пронајдени повеќе парчиња оружје и муниција, соопшти Министерството за внатрешни работи.

— реклама —

Во првиот случај, на 1 јули околу 10:10 часот, полициски службеници од ОВР Демир Хисар ги привеле Е.Р. (57) и Е.Р. (20). При претрес во нивниот дом, извршен по наредба од Основниот суд Битола, биле пронајдени три ловни пушки, сигнален пиштол, 170 парчиња муниција од различен калибар, како и други предмети.

— реклама —

— реклама —

Претходно истиот ден, околу 09:45 часот, полициски службеници ги лишиле од слобода и Р.М. (61) и Р.Ш. (35), исто така од селото Обедник. При претрес во нивниот дом, по судска наредба, биле пронајдени пет пушки, еден пиштол и 38 парчиња муниција од различен калибар.

— реклама —

Од МВР информираат дека по целосното документирање на случаите, против четворицата ќе бидат поднесени соодветни поднесоци.