Превезувал огревни дрва без документација и управувал без возачка дозвола, уапсен 29-годишник од тетовско

Дрва за огрев без соодветна документација и моторна пила биле пронајдени во возило што го управувал 29-годишен жител на тетовското село Стримница, кој бил лишен од слобода откако полицијата утврдила дека возел и без возачка дозвола.

— реклама —

Случајот бил откриен на 12 октомври, околу 19:30 часот, во селото Желино. Полициски службеници од Полициското одделение Групчин запреле патничко возило „фолксваген голф“ со скопски регистарски ознаки, управувано од И.Б. (29).

— реклама —

— реклама —

При контролата било утврдено дека возачот нема возачка дозвола, а при прегледот на возилото во багажниот простор биле пронајдени огревни дрва без потребната документација и моторна пила.

Од полицијата информираат дека возилото и дрвата биле одземени и задржани. По целосното документирање на случајот, против лицето ќе биде поднесена соодветна пријава.