Превезувал патници без лиценца за такси-превоз

ОВР Дебар поднесе кривична пријава против К.Е. (60) од селото Врановци, општина Врапчиште, поради сомнение дека вршел јавен превоз на патници без соодветна лиценца.

— реклама —

Како што информира Министерството за внатрешни работи, при сообраќајна контрола на улицата „Јусуф Грвала“ во Дебар, полициски службеници сопреле патничко возило „форд“ со гостиварски регистарски ознаки, управувано од пријавениот.

— реклама —

— реклама —

При извршената контрола било утврдено дека 60-годишникот вршел меѓуопштински јавен превоз на патници без да поседува соодветна лиценца за такси-превоз, издадена од надлежен државен орган.

— реклама —

Поради постоење основи на сомнение за сторено кривично дело „вршење јавен превоз без поседување лиценца“, против него е поднесена соодветна кривична пријава.