Примирјето меѓу САД и Иран засега издржува и покрај новите тензии

И покрај новите тензии и меѓусебните обвинувања, примирјето меѓу САД и Иран, кое повторно беше воспоставено вчера, сè уште останува на сила.

— реклама —

До обновувањето на договорот дојде откако Иран и Израел во неделата навечер разменија напади. Техеран соопшти дека нападите врз Израел биле одговор на засилените израелски воени операции во Либан, каде што израелската армија се бори против Хезболах, близок сојузник на Иран.

— реклама —

Во изминатите недели, САД и Иран исто така разменија ограничени напади. Американските сили во повеќе наврати соборуваа ирански беспилотни летала и гаѓаа локации поврзани со лансирање ракети, додека Иран одговараше со напади врз американски воени бази, вклучително и нападот извршен рано во саботата.

— реклама —

Вашингтон претходно ги опиша своите акции како „одбранбени“.

Иако двете страни меѓусебно се обвинуваат за прекршување на примирјето, досегашните инциденти не доведоа до целосен распад на договорот, а кревкиот прекин на огнот засега опстојува.