Приведен кочанец без возачка дозвола, во возилото пронајдени 1.848 парчиња брендирана облека

Полициски службеници од Мобилниот тим при Мобилната единица за компензаторни мерки вчера околу 18 часот во Кочани привеле 37-годишен жител на градот, откако при контрола било утврдено дека управувал возило без возачка дозвола, а во автомобилот била пронајдена поголема количина брендирана облека.

— реклама —

Како што информираат од Министерството за внатрешни работи, при контрола на патничко возило „Опел“ со кочански регистарски ознаки, управувано од Р.А. (37) од Кочани, било констатирано дека возачот не поседува возачка дозвола.

— реклама —

При извршениот преглед на возилото, полициските службеници пронашле вкупно 1.848 парчиња брендирана роба, меѓу кои маици, тренерки, шорцеви и дуксери.

— реклама —

Поради сомнение за сторени кривични дела по член 297-а и член 285 од Кривичниот законик, лицето било лишено од слобода и предадено во Полициската станица во Кочани за понатамошна постапка.

— реклама —

Од МВР информираат дека по целосно документирање на случајот ќе бидат преземени соодветни законски мерки.