Приведен помошник-директор на Царинската управа, кај кого биле пронајдени 17.500 евра во обележани банкноти, соопшти Обвинителството.
Под раководство на јавен обвинител од ОЈО ГОКК, полициски службеници од Одделот за сузбивање организиран и сериозен криминал го привеле високиот царински функционер.
Според првичните сознанија, парите биле побарани како поткуп, со цел функционерот во две постапки пред Царинската управа да го искористи своето реално влијание и наводно да помогне.
При апсењето кај него биле пронајдени обработени, односно обележани парични средства во износ од 17.500 евра.
Од Обвинителството најавија дека повеќе детали за случајот ќе соопштат во текот на утрешниот ден.
