Полициски службеници од Полициската станица за безбедност на патниот сообраќај Тетово привеле 41-годишен жител на селото Добридол, осомничен за сторено кривично дело „насилство“.
Како што информира СВР Тетово, на 7 јуни околу 19 часот на автопатот Скопје–Тетово, во близина на наплатната станица Желино, бил лишен од слобода А.Р. (41).
Според пријавеното, непосредно пред тоа тој физички нападнал 28-годишен жител на селото Мала Речица, при што употребил и тврд предмет.
Инцидентот бил прекинат од полициски службеници кои во тој момент се наоѓале на местото на настанот, по што осомничениот бил приведен и спроведен во полициска станица.
Од полицијата информираат дека по целосното документирање на случајот против него ќе биде поднесена соодветна пријава.
Се работи на утврдување на сите околности и мотивите што довеле до инцидентот.
