Приведена бразилска државјанка поради злоупотреба на туристички престој

Државјанка на Бразил е приведена во рамки на акциска контрола спроведена во угостителски објект во гостиварското село Добридол.

Од СВР Тетово информираат дека во текот на ноќта меѓу 17 и 18 јуни, во периодот од 00:30 до 01:10 часот, полициски службеници од ОВР Гостивар, во содејство со Полициското одделение Галате, извршиле контрола во угостителски објект во селото.

— реклама —

— реклама —

При контролата, поради злоупотреба на туристичкиот престој, била приведена В.Д.С. (30) од Бразил.

— реклама —

Таа е задржана во полициска станица, а по целосното документирање на случајот против неа ќе биде поднесена соодветна пријава.