Приведени 12 државјани на Бугарија поради нерегулиран престој, затекнати на градилиште во Тетово

Дванаесет државјани на Бугарија биле приведени при полициска контрола извршена на градилиште во Тетово, информираат од СВР Тетово.

— реклама —

Според полицијата, на 24 јуни 2026 година околу 15:15 часот, полициски службеници извршиле контрола во објект во изградба на улицата „Тодор Циповски Мерџан“, при што биле затекнати 12 бугарски државјани на возраст од 34 до 66 години кои работеле на објектот.

— реклама —

— реклама —

При проверките било утврдено дека лицата имале нерегулиран и непријавен престој на територијата на државата.

— реклама —

Од СВР Тетово соопштија дека сите лица се задржани во Полициската станица во Тетово за понатамошна постапка, а по целосно документирање на случајот против нив ќе бидат поднесени соодветни поднесоци согласно Законот за странци.