Приведени 13 возачи за безобѕирно возење, десетмина без возачка дозвола

Во текот на изминатото деноноќие, полициските службеници на територијата на целата држава лишиле од слобода 13 возачи поради кривичното дело „безобѕирно управување со моторно возило“, информира Министерството за внатрешни работи.

— реклама —

Од нив, десетмина управувале возила без положен возачки испит. Четири случаи биле евидентирани во Скопје, три во Прилеп, а по еден во Тетово, Долнени и Градско.

— реклама —

Покрај тоа, по еден возач во Охрид и Битола бил лишен од слобода затоа што управувал возило под дејство на алкохол, додека во гевгелиско бил приведен возач кој возел со брзина значително над дозволената.

— реклама —

Од МВР најавуваат дека по целосното документирање на сите случаи ќе бидат поднесени соодветни кривични пријави.

— реклама —

Воедно, Министерството повторно апелира до сите учесници во сообраќајот да ги почитуваат сообраќајните правила, да не управуваат возило без положен возачки испит, за време на изречена забрана за управување или под дејство на алкохол, со цел да се придонесе за поголема безбедност на патиштата.