Приведени две лица по обид за напад со нож

Две лица од Гостивар биле приведени рано утринава откако, по претходна расправија, се обиделе да нападнат две лица со остар и тврд предмет, информираат од СВР Тетово.

— реклама —

Според полицијата, околу 03:00 часот во Гостивар биле лишени од слобода 47-годишниот С.Ш. и 27-годишниот Ш.Ш., двајцата од Гостивар.

— реклама —

Тие се сомничат дека се обиделе да ги нападнат 21-годишниот Л.М. од Прилеп, кој престојувал во Гостивар, и Х.Б. од Гостивар.

— реклама —

При преглед кај С.Ш. полицијата пронашла и одзела нож, а по извршеното алкотестирање било утврдено дека тој имал 2,37 промили алкохол во крвта, додека кај Ш.Ш. биле измерени 1,20 промили.

Од СВР Тетово велат дека двајцата се задржани во полициска станица и дека по целосно расчистување и документирање на случајот против нив ќе биде поднесена соодветна пријава.