Приведени пет турски државјани во Скопје поради нерегулиран престој

Петмина државјани на Турција биле приведени во Скопје поради нерегулиран престој во државата, информираат од Министерството за внатрешни работи.

Како што соопшти МВР, на 9 јуни во периодот од 09:00 до 12:00 часот, полициски службеници од СВР Скопје, постапувајќи согласно планот на пријавно-одјавната служба за месец јуни, извршиле контроли на територијата на општина Аеродром.

— реклама —

— реклама —

Притоа биле приведени М.Е.С. (19), П.С. (23), Ј.С. (19), Д.Г. (25) и Б.Т.Б. (20), сите државјани на Република Турција, поради нерегулиран престој на територијата на државата.

— реклама —

Од МВР информираат дека по целосно документирање на случаите, против лицата ќе бидат поднесени соодветни пријави.