Приведени седум лица, запленети марихуана, прашкаста материја и нож

Седум лица биле лишени од слобода во Скопје, Струга и Тетово во текот на изминатото деноноќие, откако при полициски контроли кај нив била пронајдена дрога, соопшти Министерството за внатрешни работи.

— реклама —

Во Скопје, на 30 јуни и 1 јули, полициски службеници од СВР Скопје на различни локации ги привеле Е.А. (41), С.Б. (21), А.Р. (28), А.Б. (22) и 47-годишната Н.Б., сите од Скопје. При извршените прегледи кај нив биле пронајдени и одземени бела грутчеста материја, прашкаста материја, марихуана, како и нож.

— реклама —

Во Струга, на 30 јуни околу 13:35 часот, на улицата „Петар Ѓончески Гиле“, полициски службеници од Одделението за недозволена трговија со дрога при ОВР Струга го привеле Л.А. (49) од Струга, кај кого при преглед била пронајдена кафеава прашкаста материја.

— реклама —

Истиот ден, околу 15:30 часот, на местото викано „Бањиче“ во Тетово, полициски службеници од Полициската станица Тетово го лишиле од слобода З.Д. (27) од селото Бозовце, откако кај него била пронајдена марихуана.

— реклама —

Од МВР информираат дека по целосното документирање на случаите, против сите лица ќе бидат поднесени соодветни поднесоци.