Продал „нисан микра“, добил само дел од парите

Во СВР Тетово вчера бил пријавен случај на измама поврзан со продажба на автомобил.

— реклама —

Според информациите од полицијата, 36-годишен жител на тетовско село пријавил дека бил измамен од 37-годишниот А.Л. од селото Палчиште.

Како што е наведено во пријавата, пред околу шест месеци сопственикот му дал полномошно на А.Л. за користење и управување со неговото патничко возило „нисан микра“ со тетовски регистарски ознаки.

— реклама —

Договорот бил возилото да биде продадено за 4.500 евра, а исплатата да се врши на месечни рати од по 1.000 евра.

— реклама —

Според пријавеното, А.Л. исплатил само 1.000 евра, по што престанал да го подмирува преостанатиот долг од 3.500 евра.

Дополнително, без знаење и согласност на сопственикот, возилото било препродадено на трето лице за сума од 3.200 евра.

Од полицијата информираат дека се преземаат мерки за расчистување на случајот.