Времето денес ќе биде променливо облачно со повремен дожд, а локално ќе има услови и за краткотрајни врнежи проследени со ретки грмежи, информира Управата за хидрометеоролошки работи.
Во западните делови ќе дува западен ветер, а долж Повардарието северен ветер кој на места повремено ќе засилува. Минималната температура ќе се движи од 5 до 11 степени, додека максималната дневна ќе достигне меѓу 17 и 24 степени.
Во Скопје времето ќе биде променливо облачно, а во утринските часови во делови од котлината се можни услови за слаб дожд. Ќе дува слаб до умерен северен ветер, со температура од 9 до 20 степени.
Според прогнозата на УХМР, во следните денови ќе преовладува променливо облачно и посвежо време со повремени локални врнежи од дожд. Во попладневните часови наместа ќе има услови за нестабилност со пороен дожд, грмежи и засилен ветер.
