Пронајдени две пушки и 158 куршуми при претрес во дом во Дебрца

Две пушки и 158 куршуми биле пронајдени и одземени при полициски претрес во дом во селото Годивје, во општина Дебрца. Оружјето и муницијата, според МВР, ги поседувал нелегално 64-годишен маж од Скопје.

— реклама —

На 14 октомври 2026 година, со судска наредба, полициски службеници од СВР Охрид извршиле претрес во домот на Љ.Б. (64), кој е од Скопје, а престојува во селото Годивје.

— реклама —

— реклама —

При претресот биле пронајдени и одземени две пушки и 158 куршуми.

Од Министерството за внатрешни работи информираат дека по целосното документирање на случајот против него ќе биде поднесена соодветна кривична пријава.