Пронајденo младо момче од Кочани со повреда на главата во речен канал кај Виница

Деветнаесетгодишно момче од Кочани било пронајдено со повреда на главата во речен канал во село Лески, виничко, соопшти МВР.

— реклама —

Случајот бил пријавен на 6 мај околу 23:30 часот во ОВР Виница, по што полициски службеници веднаш излегле на местото.

— реклама —

„Во речен канал во с. Лески, виничко, било пронајдено машко лице со повреда на главата. Полициски службеници излегле на местото и било констатирано дека се работи за П.А.(19) од Кочани“, велат од МВР.

— реклама —

На момчето му била укажана прва помош од екипа на Итната медицинска помош, по што било пренесено во Комплексот клиники „Мајка Тереза“ во Скопје за понатамошно лекување.

Од полицијата велат дека се преземаат мерки за расчистување на случајот и утврдување на околностите под кои 19-годишникот завршил во каналот со повреда на главата.